يا مرحبا والكل ها اليوم مسرور
و احلى الليالي زاد معكم حلاها
نفرش دروب اللي حضر ورد و زهور
و باحضوركم ليلة فرحنا تباها
حضوركم لافراحنا يشرح اصدور
و النفس في قمة سعدها و هناها
ليلة فرح و اقدومكم زادها نور
و انتم كمال افراحها مع ضياها
روض الفرح بقدوم الاحباب ممطور
اروى المشاعر بالسرور و سقاها
و الورد بدروب المعازيم منثور
وزهور ترسل للحبايب شذاها
اضفا على الفرحة تباشير و اسرور
شوفة حبايب زاد فينا غلاها
وصف المشاعر صعب و الشعر معذور
و حجم السعادة وصفنا ما كفاها
وخير الكلام و كل شي و به اقصور
دعوة كريم (ن) ما يخيب رجاها
يجعل لهم دايم بدرب الفرح نور
و لا يجيب اللي يكدر صفاها
في عش زوجية بالافراح معمور
ويكفيهم شرور الحياة و شقاها
المفضلات